Fag- og temaevalueringar

Planlagde evalueringar

Gjennomførte evalueringar

Under finn du hovudrapportane frå dei sist gjennomførde fag- og temaevalueringane. For underrapportar og tidligare evalueringar, søk i publikasjonsdatabasen vår.

Evalueringar av fag og tema omfattar forsking i UH-sektoren, instituttsektoren og helsesektoren. Vi nyttar internasjonale fagekspertar til å gjere ein kritisk gjennomgang av det norske forskingssystemet, sett i eit internasjonalt perspektiv. Fagekspertane blir også inviterte til å gi tilrådingar til forskingsorganisasjonane, Forskingsrådet og departementa.

Evalueringane blir følgde opp av oss gjennom tiltak på nasjonalt nivå og inngår i kunnskapsgrunnlaget for den forskingspolitiske rådgivinga vår. Evalueringane skal også vere ein reiskap for forskingsorganisasjonane sitt eige strategiske og faglege utviklingsarbeid.

Nye rundar med fagevalueringar frå 2021

Hausten 2021 sette vi i gang ein ny runde med fagevalueringar. Dette er den tredje runden med evaluering av norsk forsking sidan fagevalueringane starta opp på slutten av 90-talet. Nytt i denne runden er at institusjonane får høve til å tilpasse evalueringane til sine eigne strategiar og sektorspesifikke formål. I tråd med forslag til nasjonalt rammeverk for nasjonale evalueringer for forskning og høyere utdanning (pdf) vil vi også sørgje for å koordinere evalueringane sine med relevante evalueringar på utdanningsfeltet.

Den tredje runden med fagevalueringar omfattar i første omgang livsvitskap, naturvitskap og teknologi. For humaniora og samfunnsvitskap vil nye evalueringar komme i gang frå 2025.